Un Goya para a tía Cefe no seu 89 aniversario

O actor Luis Zahera cumpriu o prometido e entregou en Santiago a estatuíña á máis maior da familia

Un Goya para a tía Cefe no seu 89 aniversario O actor Luis Zahera cumpriu o prometido e entregou en Santiago a estatuíña á máis maior da familia.

Santiago / La Voz

 Luis Zahera recibiu nas últimas dúas semanas centos de mensaxes dándolle os parabéns tras obter o Goya a mellor actor de reparto por El reino. Pero non foi ata este fin de semana cando tivo lugar a «celebración máis especial, a máis calurosa e a máis bonita», recoñece o compostelán. Hoxe tivo unha xuntanza coa súa familia, que asistiu a unha comida en Santiago, no restaurante O Dezaseis, para festexar o 89 aniversario da súa tía Ceferina, Cefe, a quen lle tiña prometido un singular agasallo. Tal e como anunciou, o intérprete galego fíxolle entrega da estatuíña outorgada pola Academia de Cine, xunto con outros dous galardóns recentes, o do Círculo de Escritores Cinematográficos e do Feroz.

A súa particular tesoureira, indicou Zahera, tenlle reservado un lugar nun estante do salón a estes tres trofeos, que compartirán espazo con outros anteriores. «Alí os ten moi coidadiños e moi limpiños», destacou entre risos o actor, o cal confesou que lle facía especial ilusión que a súa tía Cefe tivera o Goya xunto a outros recoñecementos que obtivo. «É a maior que queda na familia», explicou.

O artista santiagués recoñeceu que está vivindo un momento moi doce na súa carreira, tanto polos traballos que lle están chegando como por esta xeira de premios que vén de recibir. «Está sendo unha cadea de cousas boas, que hai que desfrutalas e que non se che suban á cabeza», apuntou Zahera.

Luis Zahera: «O Goya levareillo á Coruña á miña tía Cefe, que ten case 90 anos»

SANDRA FAGINAS

O actor asegura que este premio lle fixo sentir a ilusión dun meniño o día de Reis: «Como se me trouxesen a bici»

Luis Zahera (Santiago de Compostela, 1966) vén de recoller o Goya como mellor actor de reparto polo seu papel de Juan Margallo na película El reino. Un tipo sen escrúpulos, ambicioso, ao que Zahera consegue darlle, como adoita facer sempre, un punto de humanidade para achegalo á pel do espectador. «O truco desta profesión é non ter ego», asegura. Zahera é todo un Petróleo.

-Acaba de «aterrizar» en todos os sentidos! Xa está na casa.

-En todos os sentidos, si, si. Literalmente tamén. Pero xa estou aquí, en Compostela, e todo ben, todo ben...

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
12 votos
Comentarios

Un Goya para a tía Cefe no seu 89 aniversario