Lembran a figura «imprescindible» de Valle-Inclán no seu 83 cabodano

Representantes da Xunta, Concello e diferentes institucións participaron na ofrenda floral


Santiago

A figura «universal» de Valle-Inclán foi posta en valor con motivo do seu 83 cabodano. Unha ofrenda floral na súa tumba en Boisaca coa participación de representantes do Concello, da Xunta e de diversas institucións que teñen como referente ao creador do esperpento serviu para recordalo e homenaxealo. «A ninguén se lle escapa a súa excelsa obra, pero tampouco as pegadas que foi deixando por Santiago», manifestou o alcalde, Martiño Noriega, que o calificou como «unha das figuras imprescindibles» de Compostela. Antes, o conselleiro de Cultura, Román Rodríguez, lembrou a mensaxe de «fonda galeguidade» que trasladou Valle-Inclán.

Pero o acto non só contou coa intervención dos representantes institucionais, senón tamén dos representantes dos colectivos. «Segue sendo o autor máis universal de Galicia xa que nestes momentos foi traducido a 132 idiomas», destacou o director da Casa Museo da Pobra. Pola súa banda, dende o Ateneo de Santiago incidiron no compromiso de Valle-Inclán coa sociedade do seu tempo; e dende a Fundación Valle-Inclán convidaron a que este acto sirva de punto de arranque para «traballar en común e resaltar aínda máis figura» do escritor. O neto do homenaxeado e presidente do colectivo de Amigos de Valle-Inclán relatou aspectos ligados ao enterro do escritor, «nun cementerio civil e sen esquelas», ademais do intento de cobrarlle pola sepultura, que lle fora regalada anos antes.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Lembran a figura «imprescindible» de Valle-Inclán no seu 83 cabodano