José Rodríguez: «Das bandas de música saen máis profesionais que do deporte de base»

joel gómez SANTIAGO / LA VOZ

SANTIAGO CIUDAD

SANDRA ALONSO

Dirixe á súa formación no Auditorio de Galicia, no duodécimo certame galego

04 nov 2018 . Actualizado a las 05:00 h.

Ás 11.15 deste domingo actúa a banda de Santa Cruz de Ribadulla no Auditorio de Galicia. É a única da área de Santiago que compite no duodécimo certame galego de bandas. Intervén na sección segunda, para as de entre 50 e 70 intérpretes: «A nosa media de idade é de pouco máis de 20 anos. O músico máis novo ten 11 anos, o máis veterano está en idade de xubilación, e hai idades intermedias», afirma o seu director, José Rodríguez.

-En que situación está a banda?

-Medramos moito os ultimamente. Hai 8 anos, cando comecei, actuaban por volta de 40 músicos, mesmo algún menos; e este domingo van ser 66 no Auditorio

-Son todos de Vedra?

-A maioría si. Cada ano incorporamos máis músicos de Santiago e de concellos próximos, onde non teñen unha banda como a nosa. En Santa Cruz de Ribadulla hai unha escola de música e, aínda que son entidades diferentes, fai de viveiro importante da banda, que ten 85 anos.