Reivindican a figura de Antonio Fraguas, do local ao universal

O Museo do Pobo acolleu o primeiro acto dunha serie de actividades que rematarán no 2019


santiago / la voz

Morreu a finais do ano 1999, pero os actos de homenaxe polo vinte aniversario do pasamento de Antonio Fraguas xa comezaron. Fixérono no Museo do Pobo Galego e prolongaranse durante ano e medio, nunha iniciativa impulsada polo Concello de Cerdedo-Cotobade co que quere destacarse o valor universal deste autor. Para iso, nas próximas semanas repartirase entre os escolares deste concello unha ficha didáctica sobre a figura e a obra do intelectual, e un díptico reivindicando a súa traxectoria entre os rapaces máis maiores.

O Museo acolleu un acto no que se destacaron as distintas facetas deste historiador e intelectual. Víctor Freixanes, presidente da Real Academia Galega, fixo un repaso pola súa vida e o seu ingreso nesta institución, significativo porque Fraguas substituíu a Castelao no ano 1951. Clodio González, biógrafo do escritor, lembrou a vida e a traxectoria académica deste autor de Cotobade íntimamente ligado a Compostela, un aspecto no que afondou González, incidindo na ligazón do intelectual coa capital galega. No acto que serve como pistoletazo de saída a máis un ano de promoción e homenaxe tamén participaron Xusto Beramendi, presidente da Fundación Antonio Fraguas; Valentín González, secretario xeral de Política Lingüística; e Jorge Cubela, o alcalde de Cerdedo-Cotobade.

Con esta primeira semblanza comezan unha serie de actividades de divulgación do intelectual galeguista coas que os organizadores queren destacar o carácter universal deste autor que, se cadra, podería ser non moi tarde un dos homenaxeados do Día das Letras Galegas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Reivindican a figura de Antonio Fraguas, do local ao universal