Luís Seoane no Santiago de 1930

Quique Alvarellos

SANTIAGO CIUDAD

En 1926 inaugura en Compostela a súa primeira exposición

19 nov 2017 . Actualizado a las 09:37 h.

O peitoril da Fonte dos Cabalos, nas Praterías, é o sostén fotográfico por excelencia da historia moderna de Compostela. Quen non se retratou aquí? Que dirían estas augas fuxidías, se falasen?

Hoxe viaxamos aos inicios do universo en cor de Luís Seoane. O gran editor, pintor e dinamizador cultural. Nacido en Bos Aires (1910) fillo -por parte de pai e nai-de emigrados da comarca compostelá, axiña quixeron que volvese ao país. No instituto Xelmírez cursou o seu bacharelato e iniciou a súa paixón creativa. E na USC, a carreira de Dereito e o seu activismo político e cultural.

En 1926 inaugura en Compostela a súa primeira exposición. «Santiago foi decisivo na miña galeguidade. Santiago é decisivo sempre», confesaba a Víctor Freixanes en 1976 (para o libro Unha ducia de galegos).