Padrón invita ás actividades de Rosalía de Castro do 15 de xullo


padrón / la voz

A Fundación Rosalía de Castro conmemora esta fin de semana o 133 aniversario do pasamento da escritora e faino coa estrea dun festival na Casa de A Matanza con música, poesía, teatro e mesmo unha feira de produtos que teñen a Rosalía como referente. As actividades arrancan esta tarde coa sexta edición do evento Inchadiña Branca Vela, a subida en dorna de Valga a Padrón polos ríos Ulla e Sar e na que este ano participarán, ademais, outras embarcacións tradicionais coma galeóns, gamelas, bucetas e botes.

Esta noite haberá o concerto do grupo Habelas Hainas. Xa mañá, día grande da celebración, a Casa de Rosalía, en A Matanza, acollerá unha xornada de portas abertas, con visitas guiadas por expertos; proxección dun filme comentado por Xosé Manuel Beiras; actividades para toda a familia, coma espectáculos de monicreques; recital poético; improvisación oral da man da regueifeira Alba María e de Xairo d´Herbón; presentación do Libro Escolar de Poesía; e a música de Mercedes Peón, que pechará a xornada festiva na Casa de Rosalía.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Padrón invita ás actividades de Rosalía de Castro do 15 de xullo