Antonio Fernández Angueira: «Cando se fala da Pascua, todo o mundo pensa en Padrón»

O alcalde de Padrón agarda que a asistencia de público sexa, como mínimo, igual á do ano pasado


Consciente de que a meteoroloxía é un «condicionante importante», o alcalde de Padrón, Antonio Fernández Angueira (A Ponte, 1975), agarda que a asistencia de público na Pascua sexa, como mínimo, igual á do ano pasado, cando roldou os 180.000 visitantes entre todos os días de festa.

-¿Que destaca do programa?

-Este ano a programación inclúe preto dun cento de actividades musicais, deportivas, feirais, culturais e sociais pensadas para abarcar a todo tipo de públicos. Por destacar algunhas, ademais do pregón da actriz Cristina Castaño, mencionaría a feira cabalar do Domingo de Pascua, que estrea un recinto estable, e actuacións musicais variadas.

- O Concello quere que a festa da Pascua de Padrón sexa a Pascua de Galicia. ¿Ve preto a declaración de Festa de Interese Turístico?

-A solicitude presentarémola unha vez rematadas as festas porque quixemos reforzar o expediente con algúns criterios que incorporamos este ano, tanto coa estrea dunha imaxe corporativa, como no eido da promoción exterior e da organización de espazos. Cando se fala da Pascua, todo o mundo pensa en Padrón.

- A Pascua é un gran escaparate para mostrar Padrón aos que veñan as festas. ¿Que pobo atoparán?

-Espero que as persoas que nos visiten vexan un pobo cunha gran herdanza e riqueza histórica, pero tamén un pobo dinámico e emprendedor e con moitos atractivos culturais, comerciais, gastronómicos, paisaxísticos e turísticos en xeral para volver visitalo ao longo do ano.

-Esta festa está cargada de tradición pero, para moitos, é máis do mesmo. ¿Que marxe hai para renovar o cartel?

-É certo que desde hai décadas as Festas da Pascua manteñen unha estrutura semellante, porque non sería acertado rachar coas tradicións que a converteron nun referente en toda Galicia. Dito isto, cada ano tentamos incorporar pequenos matices para seguir facéndoa máis atractiva e adaptándoa aos novos tempos. Por desgraza, os principais límites que temos son os da dispoñibilidade orzamentaria, pero coido que, se conseguimos a declaración de Festa de Interese Turístico, de cara á vindeira edición poderemos darlle un pulo importante en diferentes aspectos.

Antonio Fernández Angueira, alcalde de Padrón FOTO merce ares

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Antonio Fernández Angueira: «Cando se fala da Pascua, todo o mundo pensa en Padrón»