Dodro pide que un ano se lle dedique o Día das Letras Galegas a Eusebio Lorenzo Baleirón

O pleno da corporación acordou por unanimidade cursar unha solicitude a Real Academia Galega


Dodro

O pleno do Concello de Dodro aprobou esta mañá, por unanimidade de todos os grupos, unha proposta para solicitar a Real Academia Galega que dedique un ano o Día das Letras Galegas ao poeta Eusebio Lorenzo Baleirón, "unha das figuras máis insignes" deste concello, tal e como dixo o portavoz da Unidade Veciñal, Fabián Sanmarco. Este grupo foi o que presentou a moción que se debatiu no pleno extraordinario, pero fíxoa extensible ao resto dos partidos de modo que dixo que era unha proposta "de toda a corporación e de todos os veciños de Dodro".

Algúns asistiron ao pleno para dar o seu apoio a proposta e, entre eles, estaban o irmán do poeta, Manuel Lorenzo Baleirón, e o escritor de Dodro e presidente da Fundación Rosalía de Castro, Anxo Angueira. Todos os grupos desexaron que a Real Academia Galega teña en conta a súa petición e dedique un ano o Día das Letras Galegas a Eusebio Lorenzo mentres que o irmán, en nome da familia, agradeceu ao concelleiros aos veciños de Dodro a iniciativa ao tempo que dixo que "Eusebio segue vivo na memoria e no cariño de todos".

O pleno rematou cun aplauso. O Concello trasladará a solicitude a Real Academia Galega. 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

Dodro pide que un ano se lle dedique o Día das Letras Galegas a Eusebio Lorenzo Baleirón