Padrón creará un certame de poesía co nome de Rosalía de Castro

Uxía López Rodríguez
Uxía López PADRÓN

PADRÓN

Terá unha dotación económica de 1.500 euros e será entregado con motivo da celebración do Día das Letras Galegas

06 feb 2017 . Actualizado a las 13:54 h.

O gobierno local de Padrón proporá ao pleno da corporación, que se reúne o luns, a creación do primeiro certame poético Rosalía de Castro. A proposta da concellalía de Cultura, o premio estará dotado con 1.500 euros e será entregado con motivo da celebración do Día das Letras Galegas. 

Coa creación do certame, a concellalía de Cultura de Padrón considera que «o Concello subsana unha débeda pendente coa figura da poetisa ao non existir, ata o de agora, un certame ou premio instaurado institucionalmente» en honra da escritora. 

Unha vez que o pleno acorde a creación do premio, faranse públicas as bases do mesmo e, posteriormente, os nomes do xurado. 

Por outra banda, con motivo da conmemoración do Día de Rosalía, 24 de febreiro, o Concello de Padrón firmará coa fundación que leva o nome da poetisa un convenio para concederlle unha subvención de 3.000 euros, destinados ao acondicionamento dunha das salas da Casa-Museo de A Matanza, co fin de albergar en condicións óptimas o legado da autora así como posibles doazóns. 

O alcalde de Padrón, Antonio Fernández, e o presidente da Fundación Rosalía de Castro, Anxo Angueira, firmarán o convenio o día 24 na Casa-Museo.