A actriz Marta Pérez gaña o premio Maruxa Villanueva

O xurado do premio de teatro posa antes do fallo no centro social<span lang= es-es >. </span>
O xurado do premio de teatro posa antes do fallo no centro social.
la voz

O Concello de Padrón fallou onte o XIV Premio Teatral Maruxa Villanueva a favor de Marta Pérez pola súa interpretación en Té con Kant, da compañía Inversa Teatro, converténdoa así en gañadora da edición 2014.

O xurado do certame valorou a «conxugación do didactismo co carácter lúdico», así como a igualdade como dereito e aspiración», que quedan plasmados na mencionada obra. Tamén destacou tamén o traballo de Marta Pérez á fronte de Inversa Teatro, indicando que «amosa unha capacidade de innovación na produción, con crecente proxección dentro e fóra de Galicia, que se transmite á orixinalidade e ó risco en todos os seus espectáculos».

O premio está dotado con 1.200 euros, un diploma acreditativo e un busto de bronce de Maruxa Villanueva do autor Camilo Seira. O xurado estivo presidido pola concelleira de Cultura Carmen Lois e formado, ademais, por especialistas en artes escénicas e teatrais, como Inma López Silva, Afonso Becerra, Caetano Biscainho e Roberto Pascual. O edil socialista Xosé Rei foi o representante da oposición.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

A actriz Marta Pérez gaña o premio Maruxa Villanueva