H
07 jun 2026 . Actualizado a las 04:55 h.12 horas • Punto de encontro no Museo Gaiás • Gratis previa inscrición • Arte e creatividade combinadas coa promoción dunha conciencia medioambiental sólida. Eses tres factores están detrás do programa Gaiás en Verde que esta mañá inicia unha serie de andainas guiadas para que nenos e familias poidan descubrir e conectar cos espazos naturais do complexo. Neste primeiro día, a proposta é un percorrido sensorial co olfacto como guía. Onte quedaban xa moi poucas prazas libres. A seguinte cita será o domingo 21 baixo o título «Gaiás, paisaxe cultural». Neste caso, o obxectivo é explorar o valor cultural, simbólico e paisaxístico do monte Gaiás e os seus vínculos co Camiño de Santiago (12 horas). A «andaina feiticeira» pechará o día 23 as propostas (18 horas) como un preparativo para a noite de San Xoán xa que no monte Gaiás agroman as herbas tradicionais desta noite. A reserva de prazas para estas dúas últimas ábrese o día 15.