O novo festival Bonito Pra Chover, que enlaza Galicia e Brasil, comeza cun recital en Santiago
SANTIAGO
A partir das 16 horas versos e música daranse a man no Panteón de Galegos Ilustres
02 oct 2024 . Actualizado a las 04:55 h.Un intercambio entre culturas irmás, as de Galicia e Brasil. Esa é a base do novo festival Bonito Pra Chover, que se desenvolverá desde hoxe ata o 13 de outubro en Santiago. Está impulsado por Jakson Renner, que atopou un segundo fogar en Galicia, e achegará artistas brasileiros que cantarán, bailarán, recitarán e amosarán o seu cinema na capital galega. Tampouco faltará o apartado gastronómico. «Agardamos encher Santiago de arte para mergullalo nos matices culturais de Brasil», apunta.
As actividades comezarán esta tarde, ás 16 horas, no Panteón de Galegos Ilustres, cun recital poético-musical. Cesáreo Sánchez Iglesias, Daniel Asorey Vidal, Luiza Fernandes e Uxía lerán poemas de Jackson Sampaio. Da música encárganse Euterpe e Léo Pinheiro.