As entradas son de balde e poden conseguirse en Compostela Cultura
30 dic 2021 . Actualizado a las 04:55 h.Santiago celebra hoxe a Festa do Apego con tres citas no Auditorio de Galicia. Ás 12.00 horas, para o público máis miúdo de ata 3 anos, actuarán Faia Díaz e Guille Fernández cos seus «Arrolos de Salitre», e Migallas Teatro ofrecerá «Os tres porquiños».
Xa pola tarde, ás 17.00 horas, Pérez & Fernández representará «Aguratrat». O remate será ás 18.30 horas coa presentación do novo disco da Gramola Gominola, «Bravas. O rexurdir da luz!». Este espectáculo substitúe a Os Trotaventos. As entradas son gratuítas pero hai que reservar a través da web compostelacultura.gal.