Os artistas que actuarán no TradFest traen novas músicas, pero coa esencia de sempre

Anxo Lorenzo e Pärbo reestréanse no festival tras o coronavirus

O gaiteiro Anxo Lorenzo
O gaiteiro Anxo Lorenzo
I. C.
santiago / la voz

O vindeiro domingo, os composteláns poderán asistir a unha xornada cargada de música que se repartirá polo centro da cidade. As entradas aínda se poden obter en reservas.gal, pero nalgúns concertos, como o das Tanxugueiras e o de Ailá, están xa esgotadas. Desde Laura LaMontagne ata Suso Vaamonde, son moitos os perfís e estilos dos que os cidadáns poderán gozar este ano.

Nesta segunda edición do TradFest haberá iconas do panorama musical galego. Anxo Lorenzo é un gaiteiro coñecido a nivel internacional e foi alumno de Carlos Núñez, do que fala como un «referente para moitas xeracións de gaiteiros». Para un, ser coñecido na súa casa é un valor engadido, pero Lorenzo afirma que «para un gaiteiro o mundo celta ten moita forza en Escocia, Irlanda... Está moi ben tocar fóra, pero tamén está ben na casa». Anxo Lorenzo adoita dar xiras por media Europa e tamén por América, pero regresa tras o coronavirus a Compostela. Iso faino sentir «moi contento, porque será un concerto moi especial». A música que amosará o vindeiro domingo, ás oito da tarde en Bonaval, é unha mestura potente do folk con outros estilos como o pop, o rock ou a electrónica. A pesar de que o seu traballo Santiago ten un estilo moito máis acústico, conta que non ten previsto cambiar de liña. De feito, aposta por manterse diverso, chegando a facer música para meditar. 

A violinista Begoña Riobó
A violinista Begoña Riobó

Outros dos artistas que se poderán ver o vindeiro domingo serán o dúo Pärbo, formado por Begoña Riobó e Anxo Pintos. Riobó xa actuara neste festival cando se chamaba Certame Folk, e este ano regresa case presentando a este «par bo». Pintos describe a experiencia de tocar no TradFest como «moi gratificante, porque tiñamos moitas ganas de regresar aos palcos co público enfronte». Porén, amósase un pouco molesto sobre a diferenza á hora de falar das normas de seguridade que hai nas terrazas con respecto aos eventos culturais. O público que acuda ao concerto do dúo na igrexa de Bonaval escoitará «timbres puros e arranxos que parecen simples, pero que son algo máis», como describe Pintos. Traballarán con tres ferramentas: a zanfona, o violín e a voz de Begoña. 

O seu é o folk, un xénero musical que está a mudar co paso do tempo. Para Riobó non é que o folk estea cambiando radicalmente, senón que «todo cambia de forma natural, somos seres sociais e deixámonos influír de maneira inconsciente». Esa é unha das claves deste dúo, tal e como describe Riobó: «Facemos arranxos sobre a música sen cambiar a base», aproveitando «a música patrimonial rica e bonita que temos».

El TradFest se reinventa frente al covid y reunirá 25 propuestas a pie de calle

P. Calveiro
Espectáculo de Tanxugueiras
Espectáculo de Tanxugueiras

Las entradas, gratuitas, estarán disponibles a partir del martes en el portal reservas.gal

Un año más, la programación del Apóstolo contará con el Compostela TradFest. La fiesta de la cultura tradicional gallega celebra su segunda edición, dando continuidad a las siete anteriores del Certame Folk. En esta ocasión, las actividades de la cita estarán marcadas por el contexto actual. De este modo, sin perder de vista las medidas sanitarias fijadas para contener la pandemia, el próximo domingo se podrá disfrutar de una jornada cargada de actividades. Serán 25 propuestas, todas gratuitas, desde la mañana a la noche, para disfrutar a pie de calle y en condiciones seguras, siguiendo los protocolos que el Concello de Santiago definió para los festejos: con aforo reducido, mascarillas y distanciamiento social garantizado.

Seguir leyendo

Conoce nuestra newsletter con toda la actualidad de Santiago

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
0 votos
Comentarios

Os artistas que actuarán no TradFest traen novas músicas, pero coa esencia de sempre