A Transición a través das caricaturas de Siro López

Poderá verse ata o 16 de decembro na Igrexa da Universidade


Dende a morte de Franco ata a vitoria de Partido Socialista nas eleccións xerais de 1982. Un percorrido pola Transición española a través de 117 caricaturas de Siro López, acompañadas tamén por textos explicativos do propio artista ferrolán no que se inclúe o contexto histórico. Trátase de O camiño á Constitución, a mostra que onte se inaugurou na Igrexa da Universidade, onde poderá verse ata o 16 de decembro.

A exposición coa particular visión de Siro López é unha iniciativa da Deputación da Coruña para conmemorar o 40 aniversario da Constitución. Entre os protagonistas das caricaturas atópanse o rei Juan Carlos, Adolfo Suárez, Calvo Sotelo, Felipe González, Santiago Carrillo, Manuel Fraga, Xerardo Fernández Albor ou Francisco Vázquez. Os traballos desta mostra itinerante son unha selección dunha serie que o artista ferrolán publicou en La Voz de Galicia.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A Transición a través das caricaturas de Siro López