«A poesía é moito máis que un texto que non chega ó final da liña»

CARLOS REy, i. c. SANTIAGO / LA VOZ

SANTIAGO

raquel cacabelos

O xornalista e escritor é un dos cinco creadores da libraría e a editorial Chan da Pólvora, adicadas á poesía

20 ago 2016 . Actualizado a las 05:00 h.

Din que non son bos tempos para a lírica, pero para Antón Lopo (Monforte de Lemos, 1961), un dos fundadores da recentemente creada libraría Chan da Pólvora e a editorial do mesmo nome, a poesía «fai máis falla ca nunca». A súa aposta é arriscada: lanzan un novo selo orientado especificamente a un xénero. Leva xa dous meses na Rúa de San Pedro.

-¿Como nace esta idea, nun momento no que parece tan difícil emprender novos proxectos?

-Pois nace dunha xuntanza con Eduard Velasco e Alicia Fernández, os responsables da libraría, hai cousa de un ano. Eles falaban de facer unha editorial para publicar os nosos traballos, pero finalmente fomos moito máis alá e sacamos adiante un proxecto moito más amplo e ambicioso. Tamén están neste barco Manolo Martínez, que se encarga do deseño, e Gonzalo Hermo.

-Un grupo moi diverso.

-Si, somos xente de tódalas idades e que temos experiencias moi diferentes, o que é parte da riqueza do proxecto. Iso si, non sempre é doado poñerse de acordo.