O secretario xeral de Cultura, Anxo Lorenzo Suárez, entregou onte en Negreira o premio a Yolanda López como gañadora da segunda edición do Certame de poesía Xosé M. López Ardeiro, pola súa obra Tántalo. A escritora, natural de Ourense, recibiu un total de 150 exemplares da edición do libro que patrocina Cultura.
O acto, que contou coa presenza da familia do finado poeta Ardeiro, así como o alcalde popular Juan Rey Maceira, e mailo concelleiro de Cultura, Luis Calviño Pueyo, serviu para presentar a terceira edición do premio, cuxo prazo de presentación de traballos remata o 14 de novembro, coñecéndose a decisión do xurado o 19 de decembro nun acto literario.
O secretario de Cultura congratulouse deste tipo de iniciativas e mailo interese dos concellos por «impulsar a creatividade dos nosos autores e homenaxear aos seus fillos ilustres no eido da cultura e as letras», sinalou.