«O noso obxectivo é ser solidario coa persona que exerce a solidariedade»


Paula López Fidalgo (Trazo, 1953) estudou Maxisterio, pero o seu destino non era ser mestra. O seu fillo é propietario de dúas casas rurais en Trazo pero recoñece que é ela a que disfruta do negocio.

-¿Como describiría as súas casas?

-A casa de Piñeiro está absolutamente no medio do campo, e conserva as dependencias tal cal as tiña o seu antigo morador, iso si, adaptadas ás necesidades actuais. A de Fonde do Barro ten unhas características similares á primeira. Ambas teñen unha capacidade para sete persoas e están dotadas de todos os servizos.

-¿Que as distingue?

-A xente dime que nas nosas casas se ve moito cariño, que son casas postas con mimo.

-¿Como xorde o proxecto de Casas Rurales Solidarias?

-Este proxecto naceu fai uns dous meses da man do compañeiro de Castellón, o dono da Casa Rural Solidaria Don Luis. Coñecémonos a partir doutra asociación e foi aí onde nos propuxo participar neste proxecto solidario, e hoxe xa somos trinta e oito.

-¿En que consiste o proxecto?

-O noso obxectivo é ser solidario con quen é solidario. Os doantes de sangue ou de órganos, xente que participa en actividades de voluntariado ou que son membros de oenegués teñen un desconto nas nosas casas dun 10% mínimo sobre a reserva. Ademais, o visitante ten a opción de ingresar o 15% do importe da reserva nunha oenegué, que se lle desconta co xustificante.

Conoce nuestra newsletter con toda la actualidad de Santiago

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
2 votos

«O noso obxectivo é ser solidario coa persona que exerce a solidariedade»