Renato Ratoni estréase como guía na mostra sobre Cosme de Médicis

O personaxe creado por Xosé Antonio Neira Cruz protagoniza tamén un conto-catálogo Un rato achegará ós máis pequenos o contido da exposición do Museo Diocesano


santiago

?enato Ratoni é un rato. O primeiro dunha saga de ratos que, alá polo 1669, casou con Rata Linda de Compostela. A súa é unha historia de amor de conto que fructificou cando Renato contestou correctamente á pregunta da súa amada, nunha conversa que foi, máis ou menos, así:-El: Rata Linda ¿Queres casar comigo? -Ela: ¿E polas noites que farás? -El: Durmir e calar. -Ela, remata: ¡Pois contigo hei de casar! Un descendente daquel Ratoni e daquela Linda toma vida agora no libro A viaxe a Compostela de Renato Ratoni, rato de compañía de Cosme III de Médicis, do que é autor Xosé Antonio Neira Cruz. Noemí López é quen lle pon imaxe a este tipo particular que ten moita máis responsabilidade que a de ser un personaxe de conto calquera. Porque o Renato Ratoni do 2004 é algo máis que un deseño, ten vida propia. É o guía que acompañará a todos os rapaces das escolas de educación primaria que se acheguen a visitar a mostra A viaxe a Compostela de Cosme III de Médicis, que estará aberta no Museo Diocesano ata o 17 de xaneiro. Segundo explica Xosé Antonio Neira, a idea de crear este personaxe xurdiu da necesidade de dar unha dimensión didáctica a esta exposición. «Os nenos de hoxe son os futuros visitantes das exposicións de mañán», precisa o escritor e comisario da montaxe.Todo un axudanteSabedor do moito que entusiasman ós rapaces os ratos que falan -hai bos antecedentes en Mickey Mouse ou, máis no século XXI, en Stuart Little- Neira botou man dun personaxe que contribuira a facer máis amena a visita.O libro, que serve tanto de guía catálogo para os nenos como de conto con vida propia, pódese atopar nas librarías e no Museo Diocesano ó prezo de dez euros. Co gallo da mostra editáronse 1.500 exemplares en galego, mil en castelán e outros trescentos en italiano. Da edición ocupouse a S.A. de Xestión do Xacobeo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags

Renato Ratoni estréase como guía na mostra sobre Cosme de Médicis