O Principal reúne nun ciclo os filmes premiados e con mellores críticas nos últimos meses
SANTIAGO
? Teatro Principal ofrecerá a partir do 21 deste mes un ciclo de cine que baixo o título Sen traslation recupera algúns dos filmes máis premiados e que mellores críticas obtiveron nos últimos meses, e que en todos os casos caracterízanse pola súa excepcionalidade cultural. Serán ofrecidas en versión orixinal subtitulada. No programa deste ciclo, coordinado por José Luis Losa, destaca a proxección de filmes como 21 gramos e Mystic River , dous dos últimos traballos cinematográficos que protagoniza Sean Penn, que polo segundo deles obtivo un Oscar; Lost in translation , a película dirixida por Sofía Coppola; Elephant , de Gus Van Sant; e Zatoichi , de Takeshi Kitano; así como obras que figuran entre os grandes clásicos como Two on the road (Dos en la carretera) , protagonizada por Audrey Hepburn. Este é o primeiro ciclo de cine no Principal tralas obras levadas a cabo no edificio.