O máis eficaz contra o covid


Tras moitas dúbidas, indecisións e medidas contraditorias o Goberno central e as comunidades chegaron á conclusión de que os chineses teñen razón e que as medidas eficaces para frear a pandemia son: as máscaras, a hixiene, a distancia social e o confinamento dos contaxiados. E parece que eles o lograron. Diranme que non son moi cribles, pero o repunte da súa economía demostra que teñen controlado o virus.

En Galicia temos outro exemplo: o concello de Sanxenxo, a meca do turismo galego, o lugar onde houbo máis pernoitas este verán, é o menos contaminado. O seu alcalde di que por crear unha cultura «de protección e seguridade»: praias cuadriculadas, limpeza en baños públicos cada hora e media, e todo o mundo con máscara. Ou sexa o mesmo que din as autoridades chinesas. Como conseguiu o alcalde galego que esas medidas funcionasen alí e non noutros lugares? As multas! En Sanxenxo, en xullo e agosto puxéronse 372 multas por non levar máscaras. E cando un veciño dicíalle a alguén: «Coidado, que che van a multar», o tipo non lle respondía que se metese nos seus asuntos, nin o insultaba. E tomaba nota. É posible que co recadado poidan pagar ás persoas encargadas de facer cumprir as normas. Como o conseguiron en China? Non se sabe, pero seguro que todos o imaxinan. E tamén por que no resto de España non funcionaron. Non basta dar normas, hai que poñer os medios para que se cumpran.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
24 votos
Comentarios

O máis eficaz contra o covid