Dende actuacións musicais ata conferencias de arquitectura
20 may 2026 . Actualizado a las 05:00 h.Ao longo deste mércores sucederanse en Pontevedra e a súa contorna toda clase de eventos de carácter cultural.
Arquitectura
Hoxe • 20.00 horas • Casa das Campás • O Ateneo de Pontevedra continúa co seu ciclo de conferencias A estirpe de Sesmero cun relatorio a cargo do arquitecto Mauro Lomba, quen se iniciou «na práctica da profesión en Francia», aínda que é en 1996 que «abre en Pontevedra un estudo que mantén ininterrompidamente ata hoxe e que durante moitos anos compaxinou co espazo artístico Nemonon».
Música
Hoxe • 19.00 horas • Museo de Pontevedra • Nova sesión da terceira edición do curso Olladas musicais: audicións comentadas que se desenvolve no Edificio Castelao da man da profesora Sara Domínguez Lloria. Nesta ocasión, fará un percorrido polas arias máis célebres do repertorio operístico.
Música
Hoxe • 20.30 horas • Afundación • Organizado pola Sociedad Filarmónica de Pontevedra, concerto da Camerata Arven baixo a dirección de Francisco Javier Morgade que ofrecerá un programa íntegramente dedicado a Mozart. No concerto para clarinete actuará de solista o propio Morgade. Con esta actuación, a sociedade clausura a tempada ante a cancelación do concerto do 20 de xuño.
Música
Hoxe • 19.30 horas • UNED • Baixo a denominación de Voces en armonia, concerto de Bonnie Cooper co Coro UNED Pontevedra como mostra do traballo desenvolvido na actividade Coro Aberto - Open Choir.
Literatura
Hoxe • 20.00 horas • Liceo Casino • Presentación do libro Lo que perdura a cargo da súa autora, a pontevedresa María Ramos Lorenzo, que estará a acompañada por Víctor Méndez.
Literatura
Hoxe • 19.30 horas • Centro Social do Mar • A Libraría Miranda de Bueu continúa cos seus Mércores Literarios, nesta ocasión, invitando a Alberte Blanco Casal a presentar o seu libro O pazo das marismas. Estará acompañado por Anxo González Guerra.
Gastronomía
Hoxe • De 9.00 a 15.00 horas • Mercadillo de Portonovo • A Deputación de Pontevedra continúa a xira das food trucks do Sabor das Rías Baixas con parada nos concellos da Estrada, Ponteareas e Sanxenxo. Nos tres concellos, distribuiranse de xeito gratuíto preparacións inspiradas nos pratos típicos dos eventos gastronómicos de interese turístico da provincia.
Cine
Hoxe • 18.30 horas • Facultade Comunicación • Proxección de La mala educación, de Pedro Almodóvar, dentro do ciclo queer!