José Luis Ageitos Míguez, pola súa banda, pronunciará o pregón da Semana Santa
11 mar 2026 . Actualizado a las 05:00 h.Literatura, cinema e gastronomía conviven este mércores na contorna de Pontevedra.
Gastronomía
Hoxe • De 12.30 a 15.30 e de 18.30 a 21.30 horas • Alameda Rosalía de Castro de Marín • A xira das food trucks da Deputación de Pontevedra que promocionan as festas gastronómicas de interese turístico da provincia visitan Salceda de Caselas, Pontecesures e Marín. Nestas localidades estarán ata o venres ofrecendo degustacións inspiradas nalgunhas das 25 festas pontevedresas.
Cinema
Hoxe • 16.00 horas • Facultade de Comunicación • Presentación das webseries participantes na Mostra de Cine e Audiovisual (MAC) de Marín, Festival MacMarín. O evento contará coa participación de Dani Antelo, director do festival, quen presentará a nova edición desta mostra, e proxectaranse catro webseries que competiron na anterior edición: Dúas señoras, Pringadas, Postcoito e Delirio skectch.
Salón do Libro
Hoxe • 17.15 horas • Pazo da Cultura • A programación do Salón do Libro arrancará cunha visita guiada, para, xa ás 18.00 horas, desenvolverse o espectáculo Ledicia do Mago Paco. Unha hora despois, terán lugar de maneira simultánea o obradoiro CreaSONs e o faladoiro con sinatura de libros a cargo de Sés, quen presenta o seu libro disco Nadando na incerteza. Estará acompañada pola xornalista Teresa Cuíñas.
Semana Santa
Hoxe • 20.00 horas • Teatro Principal • Lectura do pregón da Semana Santa de Pontevedra a cargo de José Luis Ageitos Míguez. Previamente, presentación do programa oficial da Semana Santa 2026.