O ciclo Amal en Ruta achegará a Pontevedra o mellor do cine árabe da actualidade

La Voz PONTEVEDRA / LA VOZ

PONTEVEDRA CIUDAD

Ghaleb Javer e Carme Fouces presentaron o ciclo Amal en Ruta
Ghaleb Javer e Carme Fouces presentaron o ciclo Amal en Ruta CONCELLO DE PONTEVEDRA

Terá lugar dende o 7 ao 11 de setembro

06 sep 2021 . Actualizado a las 05:00 h.

O Amal en Ruta volverá por sexto ano consecutivo a Pontevedra. O ciclo de cine euroárabe arribará no Teatro Principal dende o 7 de setembro até o 11 de setembro. Presentado onte da man da concelleira de Cultura, Carmen Fouces, e do presidente da Fundación Araguaney-Puente de Culturas, Ghaleb Javer Martínez, buscará romper estereotipos, achegando a sociedade árabe ao país, ofrecendo unha visión ampla e multidimensional dunha cultura milenaria e erudita.

Na práctica, Amal en Ruta é un resumo da última edición da Semana de Cine Euroárabe Amal, celebrada en Santiago de Compostela, o pasado mes de outubro. Así, a escolla deste ano é representada a través de tres ficcións e dous documentais, permitindo crear un percorrido audiovisual polo mellor cine árabe da actualidade.

«Amal en Ruta é unha das citas que abre a programación cultural de outono na cidade», sinalou Fouces. «Para nós, volver contar con Amal en Ruta, é algo moi valioso. Son filmes dunha calidade magnifica, que invitan á reflexión e contan cunha temática que está de rabiosa actualidade, malia que poderíamos dicir que sempre o está. É un grande intre para ver cine árabe e comprender que está a acontecer no mundo».