«Os noso fortes son a energía e o dinamismo»

PONTEVEDRA CIUDAD

ADRIÁN BAÚLDE

O gaiteiro pontevedrés Óscar Ibáñez ofrece un concerto este sábado en Xinzo de Limia

06 ago 2021 . Actualizado a las 05:00 h.

A programación cultural de Xinzo da Limia para este verán terá un momento álxido este sábado coa actuación dun dos mellores gaiteiros de Galicia. Óscar Ibáñez (Pontevedra, 1976) ofrecerá o seu espectáculo «Da Terra» da man da súa banda, tamén chamada a Tribo.

-Comezou a tocar a gaita coa agrupación Treboada de moi novo, tiña canto, 8 anos?

-Si si. desde o ano 1984 máis ou menos. É toda unha vida dedicada á música tradicional, pero non só á gaita, tamén ó baile ao canto á pandeireta... Pero despois, digamos que artisticamente centrei o camiño na gaita fundamentalmente. Incluso antes dos oito anos, xa na gardería bailaba. O contacto venme de neno neno.

-Como foi o resto da súa carreira?

-Estuven en Treboada en Poio ata os doce ou trece anos, que realmente era algo moi local. Festas patronais, nas aldeas... Fixéramos unha viaxe a Medina del Campo, pero era todo moi local. A partir dos trece comecei a formar parte da Agrupación Folclórica Celme de Pontevedra, e ese foi un cambio drástico. Viña de tocar nas festas e pasei a ir de xira a Alemaña, Francia, Bélxica... Foi un cambio brutal. Aquelo permitiume entrar en contacto con moitos gaiteiros doutras latitudes, da Bretaña, de Irlanda, de Escocia, de Checoslovaquia, de Bulgaria... Foi unha etapa de aprendizaxe. Logo houbo unha parte moi importante, que a partir do 93/94 comezo a presentarme a concursos de gaita e obteño bastante recoñecemento, acadando ata o 2010 entre 40 e 50 premios. E tamén foi moi importante que, desde o 97 impartín cursos de gaita da Secretaría Xeral de Emigración, fundamentalmente cara a América Latina. En Chile, Arxentina, México, Estados Unidos...

-Somos un pobo celta no eido musical?

-No musical completamente. O que non está claro é que sexamos celtas, pero o que é evidente é que somos unha gran potencias coa música tradicional en Galicia. Temos unha riqueza que xa quixeran outras culturas celtas. A todos os niveis e con paus moi distintos.

-Despois de tocar por toda Europa, como é voltar a Galicia?

-Algo que é moi da nosa indiosincrasia é non poñer demasiado en valor o propio É como que o temos aquí e vale, ‘un gaiteiro, outro artista máis'. Non lle damos moita importancia e realmente cnado saímos si que se nos recoñece e se nos da un valor que un, cando volve á casa, ven co peito hinchado. Hoxe non temos nada que envexar aos artistas dos países celtas. Cando vimos a Galici gustaríanos que os galegos tuveran esto en conta e puxeran máis en valor o propio. Por exemplo, tu vas a Irlanda ou Escocia e estes eventos son de pago, e enchen campos de fútbol. Aquí sería impensable. O feito de todo subvencionado, si que axuda pero por outro lado estas medidas poden ser un arma de doble filo. A xente acostúmase a que o folk é gratis. Os artistas, sexamos do que sexa, cústanos moito conseguir presentar espectáculos. Non digo que sexa caro, todo o contrario, ten que ser democrático, pero estaría ben que se valorase dese xeito.

-Que pode contar do seu espectáculo «Da Terra»?

-É un espectáculo no que percorro os meus traballos en solitario, en «Alén do Mar» e «Aires de Pontevedra». Facemos un percorrido polo máis destacado destes traballos cunha posta en escea atractiva, con arreglos moi interesantes e cos timbres dos músicos que me acompañan que a verdade, teño unha bandaza. Fernando Fraga, Harry Price, Carlos Calviño, Paco Dicenta, Carlos Castro, cinco gaiteiros das Nova Aira de Verín e de Suevia de Portodoson, e tamén a xilofonista Carla Villanueva. Unha posta en escea cde doce músicos moi atractiva e que non deixa indiferente á xente.

-Vai ser unha presentación un tanto especial, non?

-Eu a verdade é que por onde vou, máis ou menos coñezo aos gaiteiros. Coa Escola de Gaitas e Percusión de Xinzo xa teño moita relación e co seu director Fernando Dopico tamén. Plantexeilles que houbese un momento coa xente local e que se unisen ao concerto. Vai ser un momento emotivo.

-Que lle diría a unha persoa que pode atopar no espectáculo?

-Un espectáculo de música tradicional onde a gaita está acompañada e enriquecida por timbres diferentes e uns músicos dunha calidade extraordinaria cunha posta en escea variada, con moitos cambios. Os nosos fortes son a enerxía e o dinamismo.