Unha cita coas propostas máis innovadoras da artesanía que se fai en Galicia


Dende onte e ata o vindeiro 26 de marzo, a sede da Fundación RAC Rosón Arte Contemporáneo (Padre Sarmiento, 41) en Pontevedra acolle a exposición Os roteiros da forma, unha mostra colectiva na que participan catorce obradoiros inscritos no Rexistro Xeral de Artesanía de Galicia. Esta exposición «forma parte dun proxecto de divulgación conxunto no que se busca amosar as propostas máis contemporáneas da artesanía galega, no marco do cal xa se realizou a finais do pasado ano a exposición Feito de estrelas, unha retrospectiva da obra do ebanista artesán Frank Buschmann», destacaron dende a Vicepresidencia segunda e Consellería de Economía.

Os roteiros da forma busca «reflectir as converxencias entre a artesanía e as artes visuais contemporáneas», de tal xeito que se expón «a pluralidade de formatos, linguaxes e asociacións recollidos na marca Artesanía de Galicia, compondo unha panorámica rica en matices onde o peso da tradición hibrídase á complicidade do presente».

Son, en definitiva, «voces propias e diversas, que transcenden as marxes das súas disciplinas ao deterse a explorar a idoneidade de imaxinar outras formas de relación co mundo». Isto explica que se propoña un percorrido versátil «onde se fusionan técnicas e procesos mixtos, onde a materia prima indica a súa relevancia e expresa a modo de imaxe un coñecemento multidireccional».

Así, a tradición cerámica aglutina os intereses dos obradoiros COPIA_cerámica, de Santiago; Ana Tenorio, de Vigo; Verónica Moar, de A Coruña; e das tamén viguesas Marta Armada e Paula Ojea. Pola súa banda, Inés Rir (Allariz) e Idoia Cuesta (Outeiro de Rei) apostan polos «máis antigos saberes vinculados con procesos de produción téxtil e de cestaría tradicionais que toman a través das súas mans un novo aspecto», mentas que Elena Ferro (Vila de Cruces), amosa a longa tradición zoqueira da que é herdeira.

A prata de Noroeste Obradoiro (Santiago), o traballos en coiro de Santiago Besteiro (Monterroso) ou as ilustracións da compostelana Iria Prol son outros dos nomes propios desta mostra.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Unha cita coas propostas máis innovadoras da artesanía que se fai en Galicia