Os escaparates, memoria da evolución de Loureiro Crespo


Pontevedra / La Voz

Os escaparates dos comercios do entorno de Loureiro Crespo, en Pontevedra, non so serven para atisbar o interior dos negocios ou coñecer o que ofrecen, senón que tamén son o espazo onde se amosa a última das accións deseñadas no marco da campaña #eusonLoureiro. Deste xeito, acollen unha exposición para dar a coñecer a historia e a memoria do barrio.

Dende o concello de Pontevedra destacaron que esta mostra está formada por cartaces instalados nas cristaleiras dos negocios e fai un extenso percorrido pola historia recuperando a biografía de diferentes persoeiros, lugares e negocios emblemáticos xa desaparecidos, a importancia da actividade deportiva vinculada ao Campo do Progreso e a súa evolución urbana.

No hai que esquecer que foi en 1953 cando o Concello acordou bautizar como Loureiro Crespo á rúa que vai dende a avenida de Lugo ata Benito Corbal, polo que a biografía deste doutor ocupa un lugar importante na exposición. Pero tamén faise un percorrido por establecementos emblemáticos xa desaparecidos, como a fábrica de gaséoas El Ama, a discoteca Eqqus ou os fielatos, «establecementos situados nos accesos ás cidades nos que se cobraban impostos ás persoas que traían mercadorías para vender na vila».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Os escaparates, memoria da evolución de Loureiro Crespo