Os cines de Pontevedra acollen proxección dun documental sobre Moncho Reboiras

Será o sábado e o domingo, este último día con coloquio có director, Alberte Mera


Pontevedra La Voz

O concelleiro de Normalización Lingüística, Alberto Oubiña, e o guionista e director do documental Reboiras. Acción e corazón, Alberte Mera, presentaron onte a longametraxe con motivo da súa exhibición esta fin de semana en Pontevedra. Os pases terán lugar nas salas de Cinexpo o sábado e o domingo, ambos días ás 21.30 horas, e ademais a sesión do domingo contará cun coloquio no que participará o director.

A longametraxe constrúe a memoria de Xosé Ramón Reboiras Noia a través de 29 testemuños de persoas que o coñeceron de primeira man, de secuencias ficcionadas que reviven momentos de relevancia na súa vida e a través de fotografías, documentos e fragmentos audiovisuais dos anos 70. Reboiras, morreu nun tiroteo coa policía na madrugada do 12 de agosto de 1975, converténdose na última vítima mortal da ditadura franquista en territorio galego.

O director, Alberte Mera explicou que a longametraxe reflicte «unha época dura e escura de Galiza e a loita de toda unha xeración por unha Galiza libre e xusta». Asegurou que o filme pretende saldar unha «débeda histórica» coa figura de Moncho Reboiras.

Alberto Oubiña aproveitou a presentación para poñer en valor a importancia «de exhibir cinema en galego en cinemas comerciais" e salientou o selo pontevedrés do equipo de rodaxe, con Jose Aragunde na dirección de fotografía, Samuel Lema na dirección de arte, Adrián Porima no son, e Tamara Andrés na produción.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Os cines de Pontevedra acollen proxección dun documental sobre Moncho Reboiras