Convocan o segundo concurso de banda deseñada O Garaxe Hermético
PONTEVEDRA CIUDAD
O certame está dirixido a alumnos de terceiro curso o antigos estudantes da escola profesional pontevedresa
17 sep 2020 . Actualizado a las 11:49 h.A raíz do éxito do primeiro concurso de banda deseñada O Garaxe Hermético, que gañou Anémona de Río coa obra A proba de auga, a Escola Profesional de Banda Deseñada e Ilustración de Pontevedra e Edicións XERAIS convocan o segundo certame. Está dirixido a alumnos de terceiro curso ou antigos estudantes, que deberán «entregar un libro rematado de banda deseñada de 48 páxinas mínimo e máximo 72 páxinas, de temática infantil ou xuvenil, a cor, en lingua galega, antes do 30 de novembro do 2020».
O gañador obterá un contrato profesional e verá publicada a súa obra na colección Merlín Cómics de Edicións Xerais de Galicia.
Tal e como destaca Kiko Da Silva, alma mater do Garaxe Hermético, «este concurso é único en España, e xurde da colaboración de dúas empresas culturais, O garaxe Hermético e Edicións Xerais, para apoiar aos novos creadores de bd que se están a formar na única escola profesional de cómic de Galicia».