Pedro Volta: «Un mago ten que ilusionar á xente, pase o que pase»

O ilusionista pon en marcha un campamento de verán de maxia para nenos de 8 a 12 anos


máis máxico que viviu o ilusionista Pedro Volta (Pontevedra, 1977) no confinamento polo covid-19 foi recuperar o sabor do «tempo lento da infancia». O daqueles veráns que non daban pasado... para a nosa felicidade. «Pode parecer contraditorio, pero neste tempo volvín ilusionarme de novo, redescubrín a ilusión que tiña de cativo, a de estar na casa con tempo, facendo as cousas que che interesan», comparte Volta, que impartirá o campamento virtual de maxia para rapaces de 8 a 12 anos Escoliña de Merlíns e Morganas (ataquilla.com, cidadedacultura.gal). O campamento combina as sesións virtuais de luns a mércores con shows os sábados na Cidade da Cultura, considerando os límites de aforo convenientes, e terá lugar entre o 22 de xuño e o 18 de xullo en catro quendas. «A idea foi combinar o mundo virtual, que esixe a axilidade mental que axuda a traballar a maxia, e o mundo real. Trátase de ilusionar aos rapaces, de darlles a oportunidade de mergullarse na maxia con principios científicos, con principios matemáticos, ilusións ópticas e cousas cotiás, como poden ser billetes ou moedas. Poden aprender uns trinta trucos de maxia cada día», avanza o mago galego sobre unha iniciativa que cobrou forma no confinamento, que fai un percorrido polos magos da historia e formula aos rapaces retos para facer eles na casa. «Eu practiquei máis maxia que nunca e tiven a oportunidade de estar mes e medio na casa coa miña filla de 10 anos, que me axudou no proceso de creación do campamento. Iso é maxia! A maxia é, a fin de contas, disfrutar do momento, veña como veña», asegura.

Un manual máxico

Moedas, cordas, maxia científica, globo?exia e sombras chinesas serán parte destas máxicas clases de verán de Pedro Volta, que inclúen como manual o seu libro O pazo máxico.

«Un mago ten que ilusionar á xente pase o que pase», conclúe Volta.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Pedro Volta: «Un mago ten que ilusionar á xente, pase o que pase»