Suscríbete 1 año y te regalamos 140 días gratis
Quiero la oferta

Un Museo soterrado en Pontevedra: reflexións para o debate

Álvaro Arizaga

PONTEVEDRA CIUDAD

Por Álvaro R. Arizaga Castro. Profesor e actualmente xefe de estudos na Escola Superior de Conservación e Restauración de Bens Culturais de Galicia

29 nov 2019 . Actualizado a las 17:32 h.

O museo máis antigo e valioso de Galicia debe ser ambicioso. Noraboa polo proxecto de Valdecorvos. Pero, coma Ícaro voando cara ó sol, non debe excederse.

Sorprende que nas novas de prensa sobre o proxecto do subterráneo nin se mencione a escavación arqueolóxica que isto implica: escavación que sería interesantísima para a cidade (se partise dun proxecto real de investigación) pero que neste caso significa irremediablemente a futura destrución de todo o que alí apareza.

Resulta tamén incrible que non se contemple como posibilidade o que sucedeu e sucede no Museo de Ourense, que leva décadas pechado porque, facendo reformas, no seu subsolo apareceron restos arqueolóxicos extraordinarios e imposibles de encaixar no proxecto arquitectónico previsto.