Pontevedra acolle as xornadas sobre o entroido de Galicia

Serán mañán e o sábado no CITA


Pontevedra La Voz

Un ano máis a Sociedade Antropolóxica Galega coa colaboración da Concellería de Festas do Concello de Pontevedra, organizan as Xornadas sobre o Entroido de Galiza, que na súa sétima edición tense consolidado como o foro de referencia no país en canto a divulgación do Entroido galego.

As xornadas celebraranse no CITA (Centro de Interpretación das Torres Arcebispais) os días 15 e 16 en horario de 18 a 21h. Como se vén facendo nas últimas edición, este ano ébrese tamén o foro aos entroidos de Portugal polo que está prevista a presenza da socióloga portuguesa Patricia Cordeiro, quen falará do carnaval de Podence.

Durante os dous días das xornadas estará aberta no CITA, en horario de mañá e tarde, a exposición fotográfica «O Entroido galego», do fotógrafo etnográfico Roberto de la Torre.

O programa para esta edición é o seguinte:

Venres 15:

-18.00h. Apertura das xornadas

-18.15h. Conferencia de Xosé Anxo Rosales e Guillerme Costas :«Achegamento ao teatro popular no Entroido de Pazos de Borbén»

-19.00h. Conferencia de Pedro Basalo: «Historia recente do boteiro de Viana do Bolo»

-19.50h. Conferencia de Xerardo Dasairas: «As máscaras no Entroido ourensán»

-20.45h Mesa redonda e coloquio cos poñentes

Sábado 16:

-18.00h. Apertura xornadas do sábado

-18.15h. Presentación da publicación da Sociedade Antropolóxica Galega «Caderno de campo. Especial Entroido».

-18.45h. Conferencia Emilia Cagiao: «A recuperación do Entroido de Samede»

-19.45h. Conferencia de Patricia Cordeiro:«Carnaval de Podence: de ritual comunitário a ícone nacional»

-20.45h. Mesa redonda e coloquio final

-21.00h. Clasusura das xornadas

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Pontevedra acolle as xornadas sobre o entroido de Galicia