Non hai oco que non estea cuberto na Culturgal, unha feira feita a medida dos produtores, creadores e difusores da cultura galega e do público consumidor desde as idades máis novas.

A Feira das Industrias Culturais abriu onte as portas da súa décimo primeira edición no Pazo da Cultura de Pontevedra, onde se agardan ata o domingo más de 15.000 visitantes arredor dunha programación que ofrece máis de 120 actividades. Un primeiro paseo polo centenar de expositores que enchen o recinto feiral basta para darse conta do que move este proxecto colectivo, que ensambla a todos os sectores da cultura galega, o libro, a arte contemporánea, o cine, a música, o teatro, o deseño, a ilustración...Todo elo integrado na «feira das feiras da cultura galega».

Un 3 % do PIB galego corresponde a industria e a produción cultural, que da emprego a redor de 30.000 persoas, segundo o conselleiro Román Rodríguez. Unhas cifras importantes, aínda que ao alcalde, Miguel Anxo Fernández Lores, soubéronlle a pouco e asegurou que a cultura galega «dá para moitísimo máis e ten un longo percorrido por diante».

O conselleiro e o alcalde, xunto co deputado Xosé Leal e o presidente en funcións da Asociación Culturgal, Víctor López, foron onte os encargados da inauguración dun evento que reborda propostas creativas. Unha feira na que atopas polos corredores, stands e espazos comúns a unha morea de persoas coñecidas: escritores, editores, libreiros, cineastas, actores, editores, músicos, pintores, magos e demais artistas. E na que se suceden as conversas, presentacións, sinaturas de libros, actuacións musicais e teatrais para todos os públicos.

Os alumnos dos centros de O Toural 8 Vilaboa), Xunqueira 2 de Pontevedra e Ponzos de Ferrol foron onte pola mañá os primeiros en visitar unha feira na que a rapazada ten unha programación infantil específica. Uns engancháronse coa música que nese momento soaba no Espazo Carpa, e outros co Mago Paco, co obradoiro de ciencias do CSI ou cas sesións de contacontos.

Espazo Arte

Se o libro expándese por todo o recinto como principal protagonista, a arte contemporánea ten unha especial e coidada presenza nesta edición de Culturgal. Alí atopamos ao artista luso Ricardo Campos facendo arte en vivo no stand da Bienal de Cerveira, xunto as mostras de galeristas, museos e artistas que participan a modo individual na Culturgal. E tanto o que hai que ver nesta festa da cultura que o mellor e facerse alí mesmo cun programa de man o consultar a programación en culturgal.com.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A cultura galega reborda no Pazo