O Salón do Libro entra na súa recta final

María Fumaça e Boabab poñen a guinda a un mes máxico

.

O Salón do Libro Infantil e Xuvenil chega a súa última fin de semana cheo de novas propostas e disposto a que estes días que restan ata a súa clausura o domingo sexan tan intensos como os primeiros para as familias que xa o visitaron e para as que non puideron facelo ata agora, que han de ser poucas, visto o trasfego constante de escolares, docentes, pais, nais, escritores, ilustradores, actores, narradores, músicos e demais creadores e consumidores de historias que se viviu no Pazo da Cultura ao longo deste mes de abril.

Como din os artífices do Salón, para por case punto final a esta edición de Mulleres de Conto, que mellor que a familia musical de María Fumaça. Esta compañía achega este sábado una proposta nova cos seus máis coñecidos traballos: As cancións que máis molan!. Una tarde para bailar, cantar e gozar en familia con Manola, Carolina e a formiguiña do mercado. La cita es a las 19 horas no auditorio do Pazo.

 

Puño Puñete

Xa o domingo, o Salón despedirase cunha estrea, como non podía ser doutro xeito. Baobab Teatro, con Andrea Bayer e Davide González no escenario, presentará en tres funcións, as 12, as 17 e as 18 horas, o seu novo espectáculo Puño Puñete, unha orixinal proposta de contos, cantigas, musica en directo e tradición oral para os máis cativos e os seus papás e mamás.

A programación para esta fin de semana inclúe, ademais, moitas outras actividades de contacontos e obradoiros para toda a familia, a cargo de Polo Correo do Vento, Mercedes Queizás e Paula Pereira, Marta Ortiz, Daboapipa, Andrea Area, e Susana Suniaga, entre outros creadores.

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Salón do Libro entra na súa recta final