Culturgal despídese superando os 14.000 visitantes

Cunha última xornada de frenética actividade, a Feira das Industrias Culturais pechou onte as súas portas en Pontevedra superando, segundo a organización, os 14.000 visitantes. A Asociación Culturgal destacou que o público respondeu á chamada da corresponsabilidade, non só asistindo aos eventos programados, senón tamén mercando nos stands e contribuíndo a través da entrada solidaria que se estableceu en 3 euros. Así, os organizadores destacan que un 20 % das persoas que se deron cita no recinto feiral este fin de semana abonaron esta entrada a cambio da chapa de micropatrocinador. «Nos dá azos e un novo escenario optimista para o Culturgal do futuro, no que o público xogará un papel máis activo e no que asumirá unha maior responsabilidade», engadiron. «Culturgal -dixo Xulio Amigo, presidente da asociación- volveu ser referencia para milleiros de persoas», converténdose de novo en punto de encontro.

Nada menos que corenta foron as actividades que deparou esta última xornada. E unha das primeiras foi o concerto para bicicletas organizado polo Taller Atlántico Contemporáneo, que pretendía reunir a 111 ciclistas para interpretar coas súas voces e os timbres dos seus vehículos a peza Eine brise (Unha brisa), do compositor arxentino Mauricio Kagel. Non se acadou esa cifra, pero os cerca de 40 ciclistas que quixeron sumarse á orixinal proposta mostráronse entusiastas no percorrido. «Foi unha brisa máis rápida», indicou Diego García, do Taller Atlántico Contemporáneo, que destacou que a actividade «funcionou moi ben».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

Culturgal despídese superando os 14.000 visitantes