Abre o domingo unha tenda nunha aldea de Negueira de Muñiz cun concerto da Quenlla

la voz

Nos tempos que corren que haxa persoas que se decidan a abrir negocios no rural e ademais en lugares como Negueira de Muñiz non é nada habitual. Tres socios, da zona de Ponte Caldelas e que levan sobre un ano vivindo no concello da montaña lucense, decidiron un día montar unha tenda rural con produto ecolóxicos na aldea de Cancio, en Negueira de Muñiz.

A tenda, unha cooperativa, abre este domingo cunha serie de actos culturais, xa que a idea da empresa é que sexa non só un lugar de compras senón de encontro de actividades e de fomento do cooperativismo entre os veciños, como explica unha das súas socias, Raquel Freixeira.

Este domingo 29, a partir das cinco da tarde, haberá unha charla sobre a historia do río Navia e o problema que causan os encoros, haberá a proxección dos documentais Río Ibias, río negro e de Naviegos, e outros arraianos, e finalmente a actuación musical do grupo A Quenlla.

Bar-restaurante

Nun principio, sinala Freixeira, a cooperativa abre a tenda, pero no futuro queren formar un bar-restaurante, xa que apenas hai este tipo de establecementos no municipio «e cada vez hai máis visitantes, sobre todo no verán», sinala.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Abre o domingo unha tenda nunha aldea de Negueira de Muñiz cun concerto da Quenlla