Un tributo en papel aos máis cativos

O Concello de Poio edita «Tan preto», unha ferramenta para abordar a experiencia vital dos nenos durante o confinamento


«Queremos que Tan Preto sexa para o alumnado un agasallo, máis ca merecido, para o alumnado de Poio, pola valentía, esforzo e actitude que están a amosar desde que comezou esta pandemia». Con estas palabras, a concelleira de Cultura de Poio, a nacionalista Raquel Rodríguez, presentou onte no Centro Cultural Xaime Illa, na parroquia de Raxó, este proxecto educativo e cultural no que participan a escritora Tamara Andrés e o ilustrador Marcos Viso.

Con esta publicación, pretendese ofrecer aos rapaces do municipio unha ferramenta de traballo para desenvolver, «en chave positiva, a experiencia vital pola que pasaron nos meses de confinamento decretado pola expansión do covid-19».

Deste xeito, considerase que os textos elaborados pola escritora poiense e ilustrados polo debuxante ourensán poden supoñer «un reforzo psicolóxico moi positivo para os cativos, unha ferramenta coa que poidan traballar as súas emocións e expresen como se sentiron durante este tempo», engadiu Raquel Rodríguez.

Proxecto multimedia

La concelleira incidiu, neste sentido, en que a publicación complementase cun vídeo explicativo e con ferramentas didácticas coas que se poderá traballar nas aulas. A intención do Concello de Poio é repartir uns 750 exemplares nos distintos centros de ensino do municipio. Ademais, tamén haberá varias unidades dispoñibles na Biblioteca Municipal de Campelo.

Pola súa banda, Tamara Andrés remarcou o feito de que «desde o momento no que a Concellería nos trasladou esta idea, tanto para min como para Marcos Viso, foi unha honra poder impulsar este proxecto da man do Concello». A escritora de Combarro indicou que unha das peculiaridades desta obra é que «os textos e as ilustracións compleméntanse, pero tamén teñen o seu significado por separado. Estamos moi felices de poder dar vida a esta publicación para ofrecer ás crianzas unha fórmula para rescatar as aprendizaxes que sumaron durante o confinamento», concluíu ao respecto.

Raquel Rodríguez aproveitou a presentación de Tan preto para agradecer a implicación de ambos artistas, así como salientou a labor desenvolvida o labor feito pola empresa poiense Gráficas Anduriña, encargada de realizar o maquetado e a impresión dos contos.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Un tributo en papel aos máis cativos