O Obradoiro Ulla-Umia ofrece formación sobre o proceso para crear empresas

Os 20 alumnos recibiron unha charla sobre emprendemento


valga / la voz

O alumnado do Obradoiro de Emprego Ulla-Umia IV dos concellos de Valga e Moraña está participando esta semana en diversas actividades complementarias relacionadas co emprendemento, a creación de empresas e orientación laboral. O xoves pasado un técnico do Instituto Galego de Promoción Económica (Igape) impartiu aos vinte aprendices unha charla sobre emprendemento, na que lles explicou cuestións como a posta en marcha dunha empresa, tanto a nivel técnico e legal coma na vertente económica.

Agora os alumnos están recibindo formación en creación de empresas, cunha duración total de 30 horas, e que corre a cargo da técnica de emprego do Concello, María José Devesa. Como o obradoiro ten como obxectivo favorecer a inserción dos participantes no mercado de traballo, os alumnos están adquirindo unha serie de nocións en materia de orientación laboral.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O Obradoiro Ulla-Umia ofrece formación sobre o proceso para crear empresas