«Acorda», libro-disco musical que disecciona a memoria histórica de Pontevedra

Alfredo López Penide
L. Penide PONTEVEDRA / LA VOZ

PONTEVEDRA

CAPOTILLO

A publicación foi presentada este sábado na Deputación Provincial

29 may 2022 . Actualizado a las 05:00 h.

«Por aquelas que loitaron / e que non tiveron medo / polas que non se arredaron / rexeitamos os segredos» escoitouse nas voces de Uxía e Sheila Martínez na presentación na Deputación de Pontevedra de Acorda. Cartografía musical da memoria histórica de Pontevedra. Trátase dun libro disco que recolle o documental Acorda, textos explicativos e fotografías do «Como se fixo», así como inclúe os vídeos de Emilio Rúa e Silvia Penide, Ugia Pedreira e Marina Oural, Sheila Patricia, Eladio Santos, Tanxugueiras, Ezetaerre e a propia Uxía e Su Garrido en ubicacións simbólicas de memoria.

Con esta obra, segundo remarcou María Ortega, deputada de Memoria Histórica, «pretendemos que a memoria permaneza, que fique máis alá dun acto concreto, máis alá de nós. Por iso convertemos en vídeos as cancións interpretadas nos lugares do terror».

«A xustiza é reparadora, pero a música é bálsamo e ten poder transformador», destacou, pola súa banda, Uxía.