Premian «As palabras no Camiño II», do IES de Caldas

Cristina Barral Diéguez
c. barral CALDAS / LA VOZ

PONTEVEDRA

El IES Aquis Celenis de Caldas colabora con los hosteleros del municipio
El IES Aquis Celenis de Caldas colabora con los hosteleros del municipio IES

O proxecto de innovación educativa en dinamización lingüística recibe 2.000 euros por un traballo cualificado de «excelente»

03 jul 2021 . Actualizado a las 05:00 h.

Un proxecto de innovación educativa en dinamización lingüística do IES Aquis Celenis de Caldas de Reis foi premiado pola Consellería de Educación. A iniciativa denomínase As palabras no Camiño II e obtivo a consideración de «excelente», logrando unha dotación económica de 2.000 euros.

Dende a dirección do instituto Aquis Celenis apuntaron que o proxecto involucrou a numeroso profesorado e alumnado na dinamización da lingua nun plan innovador. O produto final resultou na elaboración de nove vídeos deseñados no curso que vén de rematar. ¿De que tratan? Hai vídeos sobre as lendas, a gastronomía, a historia, a arte, a lingua, a música, a literatura, a auga e as fontes, xunto a outras xeneralidades do Camiño Portugués a Santiago. Estes vídeos, aos que se accede por medio de códigos QR, xunto con outra información sobre o patrimonio cultural e paisaxístico de Caldas, tamén elaborada polos estudantes do centro, está distribuída a través de trípticos e mantelería que se lle entregou á Asociación de Hostalería e á asociación de comerciantes Centro Comercial Aberto (CCA) de Caldas.

Este novo premio supón un recoñecemento ao labor de profesorado e alumnado en proxectos interdisciplinares nos que o centro contribúe á normalización da lingua.