Miguel del Río: «Tocar no Festival de Jazz é un recoñecemento ao traballo realizado»

O grupo presentase o martes como cuarteto: «Os teclados aportan o seu color, o seu punto de improvisación»


Recoñece que recibiu a nova da súa participación na edición que comeza este martes do Festival Internacional de Jazz e Blues de Pontevedra con «moitísima ilusión. Para calquera artista ou grupo é un recoñecemento bastante importante ao traballo realizado». Mr. River, con Miguel el Río ao fronte, será o grupo encargado de inaugurar na praza do Teucro esta cita xa consolidada do calendario estival.

-¿Senten que son profetas na súa terra, en Pontevedra?

-A verdade é que estamos sacando o grupo pouco a pouco. A música que facemos tampouco é que se poida apreciar tanto aquí, ao mellor apreciase mellor noutros sitios. Creo que é un tema cultural que, pouco a pouco vai atraendo a máis xente, máis público

-¿Pódese vivir do jazz?

-É complicado. E moi complicado e nós non vivimos do jazz. Para vivir desto tes que estar nas altas esferas.

-¿Como xurde Mr. River?

-En principio, xurde da xuntanza cun baixista, Santi MarSan, que se pon en contacto comigo. Empezamos a ensaiar e a montar os temas que eu tiña gardados de anos e a probar sons co primeiro batería que se incorporou a formación, Manuel Bastón -hoxe está Marcos Corbacho-.

-¿E o nome?

-(risas) Ven do meu segundo apelido. Son Miguel Ángel González del Río. Son o guitarrista de Mr. River, pero tamén son o compositor dos temas.

-Imaxino que moitos destes temas soarán este martes.

-Si, claro. Estarán todos os que incluímos no noso primeiro EP que sacamos con catro temas e máis outros que temos. Para o outono ou o inverno porémonos co segundo EP. No concerto serán todos temas orixinais meus, menos un par de versión que metemos polo medio.

-Mr. River non é un grupo de jazz ao uso, ¿non si?

-A verdade é que non é jazz, definimos o que facemos como unha fusión. É unha mestura de rock, blues, jazz, música flamenca e, incluso, hai toques de música tradicional. É unha fusión de estilos.

-Entendo que todo isto é froito das vosas influenzas artísticas.

-Claro, das miñas influenzas con músicos como Scott Henderson, Pat Metheny, Chick Corea e, incluso, outros máis próximos ao rock, caso de Joe Satriani ou Steve Vai.

-Sodes un trío, pero en Pontevedra ides tocar como cuarteto coa suma de Adrián Solla aos teclados.

-En principio, somos un trío, pero empregamos a fórmula de cuarteto en festivais máis grandes ou se requira dunha formación máis grande.

-¿Que engaden os teclados ás súas composicións?

-É sumar. Sumar ao son do grupo porque os teclados aportan o seu color, o seu punto de improvisación nalgúns temas... É sumar ao que xa é o son do grupo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Miguel del Río: «Tocar no Festival de Jazz é un recoñecemento ao traballo realizado»