19 may 2019 . Actualizado a las 21:22 h.
A finais de maio, Vilagarcía celebra a romaría urbana de Santa Rita. Aínda que o día grande non é ata o mércores, a vila leva xa toda a fin de semana chea de ánimo. Hoxe, sen ir máis lonxe, o programa festivo inclúe un paseo polo mercado celta que se instalou á beira do río do Con, no parque da Xunqueira. Por alí andará hoxe o Fauno e o Xigante Malabarista, dispostos os dous a dar sustos e arrincar sorrisos. Para pechar o día nesta peculiar feira, haberá un espectáculo de lume e vistosos malabares (22 horas). Pero a xornada non rematará na capital arousá, non de todo, ata que non o digan os integrantes da orquestra Os Satélites, que serán os encargados de animar a verbena que se vai celebrar no entorno da rúa Alexandre Bóveda.