Lumes: reto de futuro á xestión


Galicia conta con condicións favorables para os lumes. O cambio de usos que experimenta o campo e o quecemento climático non presaxian un futuro optimista. Os lumes de outubro poderían ser un síntoma desta tendencia.

Tanto o ecosistema forestal como persoas, bens, propiedades ou infraestruturas poden ser afectados, pero os efectos postincendio tamén poden ser relevantes. Os procesos erosivos poden degradar áreas queimadas e o movemento de sedimentos afectar outros bens máis alá do monte. Porén, cómpre dicir que non toda a superficie forestal arde do mesmo xeito nin o impacto do lume é igual en todo o solo. Só as zonas cun maior grao de severidade serán susceptibles de erosión. No caso de outubro, a condición de seca prolongada posiblemente facilitase unha maior severidade sobre o solo, pero as altas velocidades de vento durante os lumes seguramente limitou o quentamento dos solos.

A diagnose dos efectos do lume e do potencial erosivo e a planificación de accións urxentes é complexa polo grande número de factores. Aumentar o noso coñecemento científico neste ámbito é materia obrigada. Nos últimos anos tense avanzado no coñecemento do risco de erosión, dende o Centro de Investigación Forestal de Lourizán, que entre outras cousas permítenos contar cunha metodoloxía de avaliación postincedio e de actuación urxente única en Europa. En casos como na pasada vaga de lumes, resulta imposible actuar en todo o territorio. Priorizar os recursos dispoñibles nas zonas con maior afectación é esencial. Mellorar a eficacia na diagnose e na actuación ten que ser o noso obxectivo de futuro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Lumes: reto de futuro á xestión