A editorial Kalandraka, premiada na Mostra do Libro de Madrid


A ilustradora Nadia Menotti e o director de Kalandraka, Xosé Ballesteros, recibiron en Madrid o Premio da trinta e tres edición da Mostra do Libro Infantil e Xuvenil que se concedeu por primeira vez este ano entre as 200 obras que compoñen o catálogo desta exposición

Con libros como As pescadoras, Kalandraka «mantén a súa aposta pola multiculturalidade, a educación en igualdade, a tolerancia e a estimulación da imaxinación e a curiosidade», sinalou o xurado do certame.  Tamén destacaron a traxectoria da editorial pontevedresa -que cumprirá 20 anos en 2018- e a súa liña editorial «definida pola animación á lectura e o apoio aos creadores».

Na entrega do premio, Xosé Ballesteros reflexionou sobre a importancia da diversidade cultural e lingüística a propósito da recente participación de Kalandrka na Feira Internacional do Libro de Guadalaxara (México), en Culturgal e na Feira do Libro Vasco celebrada en Durango: «Reivindicamos que as linguas estean vivas”, sinalou a propósito do galego, “que está en perigo de extinción».

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

A editorial Kalandraka, premiada na Mostra do Libro de Madrid