As Reixas e A Navarra funcionarán como escenario dos últimos cantos de taberna da tempada
01 jul 2016 . Actualizado a las 05:10 h.Mar Fernández forma parte do grupo Maravallada. Hoxe, finalizará o ciclo Cantos de Taberna no Reixas e na Navarra. A tradición e a melodía volve aos bares, na procura dun costume en perigo de extinción.
-¿Canto leva vostede cantando polas tabernas?
-Dende o principio. En Maravallada todos empezamos xuntos. Menos un membro que se incorporou o ano pasado, o resto cumpriremos os sete anos proximamente, creo.
-¿Como xorde a idea de xuntarse para recuperar estes cantos?
-A todos nos gustaban e coñecémonos a través da asociación cultural Trepia. Decidimos montar unha cousa un tanto diferente, máis pensada nos cantos de taberna propiamente.
-¿Maravallada ten por obxectivo recuperar este fermoso costume case extinto?
-Si, é unha das funcións. Tratamos de respectar o formato orixinal. Queremos darlle prioridade ao son vocal, as voces, por enriba dos instrumentos, deixalos nun plano secundario. Non somos unha charanga. Gústanos xogar coas voces.
-Nas actuacións reparten as letras entre o público para que se sumen á festa.
-Si, antes de comezar repartirmos os folios. O certo e que agora xa non é moi necesario porque temos xente moi fiel seguíndonos e xa as saben.
-Involucrades a xente no concerto.
-É que non é un concerto. Levamos a voz principal pero o que facemos e que todo o bar se anime a unirse e que colaboren coas súas propias pezas. A verdade e que temos un público moi leal que se apunta a todo.