«A celebración deixámola para cando chegue a nena»


pontevedra/la voz.

Pontevedra conta cunha nova centenaria. Aínda que non o parece pola súa vitalidade e bo estado, Carmen Estonllo Fontán pertence a ese exclusivo clube. Onte cumpliu 100 anos e recibiu, na súa casa de O Marco, na pontevedresa parroquia de Tomeza, a visita do alcalde, Fernández Lores, que lle levou un ramo de flores. Rodeada dos seus familiares, foi quen de soplar as candeas que lle prendeu o rexidor, e demostrar moi bo humor. Ten dous fillos, dous netos e tres bisnetos, e a preferida é Xiana, a única muller nunha familia de homes. Vive co seu fillo Manuel, gustalle ver a televisión e escoitar a radio e non ten problemas de mobilidade. De feito, levántase pola mañá, fai a cama e máis a comida e outras tarefas domésticas, vai a perruquería de vez en cando e tamén sae a horta a prantar alguna cousa.

-¿Como se atopa?

-Un pouco nerviosa porque cen anos son moitos e vai vir moita xente. Pero de saúde ben.

-¿Que lle regalaron neste día?

-Moitas flores e tamén moitas plantas, porque me gustan moito.

-¿Celebrou o día cunha comida especial?

-Hoxe non, imos poñer cousas de picar, pero a comida familiar deixámola para cando veña a nena -por Xiana, de 23 anos, a única bisneta, que estuda en Estados Unidos e que é o olliño dereito da centenaria-, e tamén os irmáns que teñen clase, están en Ponte Caldelas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos

«A celebración deixámola para cando chegue a nena»