O Memorial Portela repartirá 3.600 euros en premios

A cita coa música tradicional terá lugar os días 14 e 15 O prazo de inscripción para cuartetos, quintetos e sextetos está aberto


la voz | pontevedra

A Asociación de Gaiteiros Galegos e o Concello pontevedrés convocaron unha nova edición do concurso Memorial Ricardo Portela, que se desenvolverá os días 14 e 15 deste mes de xullo. Trátase da oitava edición deste evento, que terá de novo como escenario o centro histórico.O sábado día 14 terá lugar o concurso do Memorial, no que poderán participar agrupacións de música tradicional galega con formato de cuarteto, quinteto ou sexteto. Este ano, a organización repartirá un total de 3.600 euros en premios. En concreto, haberá tres premios en metálico para os tres primeiros clasificados no certame de 1.500, 900 e 600 euros. Pero ademais, se otorgarán tamén dous galardóns especiais, o Ricardo Portela, dotado con 600 euros para a mellor interpretación dunha peza do repertorio de Portela, e outro premio dunha gaita creada especialmente para este oitavo memorial e que se entregará ao grupo que ofreza a mellor interpretación dunha peza en toque pechado. A fase eliminatoria celebrarase sobre un percorrido polas rúas e prazas da cidade, polo que os grupos deberán tocar, a xeito de dianas e alboradas, distintas pezas galegas ben tradicionais ou de autor. A fase final celebrarase nunha das prazas do centro histórico e os grupos clasificados terán un tempo máximo de oito minutos para interpretar dúas pezas galegas (tradicionais ou de autor). Tanto ese sábado, como o domingo 15 celebrarase a sexta edición da Mostra de Artesáns de Instrumentos Tradicionais na praza da Verdura. Por último, o domingo tamén terá lugar como colofón ao memorial o Festival de Música Tradicional, que comenzará a partires das oito da tarde na praza da Verdura e reunirá sobre o escenario aos grupos Ardentía e Tanxedoras do Pandeiro. A inscripción para o certame debe formalizarse ata o 10 de xullo no rexistro do Concello pontevedrés, ben en persoa ou ben por correo. Para máis información, os interesados poden contactar co teléfono 986????896????528.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

O Memorial Portela repartirá 3.600 euros en premios