Pavís Pavós e «Vieiros» gañaron o premio Xoán Manuel Pintos

La Voz CH. L. | PONTEVEDRA

PONTEVEDRA

En dous minutos | Fallo do certamen de divulgación da lingua O Concello e a Rede de Entidades Amigas da Lingua deron a mención de honor a recentemente desaparecida escritora María Victoria Moreno

21 dic 2005 . Actualizado a las 06:00 h.

O colectivo de contacontos Pavís Pavos e o portal Vieiros resultaron gañadores, por unanimidade, da primeira edición do premio Xoán Manuel Pintos. O xurado tivo un recordo especial para a escritora cacereña, galega de adopción, María Victoria Moreno, recentemente falecida, otorgándolle unha mención de honor. O premio que leva o nome do xurista e escritor que foi figura central do rexurdimento, pretende distinguir ás persoas e entidades que destaquen pola utilización e o espallamento da lingua galega. Precisamente ese compromiso co galego foi o máis valorado polo xurado á hora de premiar a María Victoria Moreno. «Un premio destas características non podía olvidar a esta muller e o seu compromiso coa lingua galega e coa formación dos mozos», indicóu a concelleira María Xesús López Escudeiro. Conchi Cochón e Rubén Aramburu, membros do xurado, suliñaron os méritos dos galardonados no ámbito local e nacional. O grupo de contacontos Pavís Pavós leva dende o ano 96 traballando na recuperación de xogos, cantos e adiviñas da nosa tradición, e a esa labor de investigación únelle o seu traballo de divulgación desa tradicional oral. De Vieiros, que está a piques de cumplir 10 anos, destaouse a defensa do galego e da información veraz e real de temas como os desastres do Enterprise e máis do Prestige. O premio entregarase o 27 de xaneiro, no Pazo da Cultura.