Comezarán o día 22 coa actuación en San Martiño de Loiro
19 jun 2018 . Actualizado a las 05:00 h.Do 22 de xuño ao 22 de decembro • Diferentes espazos da provincia • Cun concerto o día 22, venres, na igrexa de San Martiño de Loiro arrancará o festival Voces no Camiño, un proxecto que ofrecerá nove concertos e que ten como obxectivo «encher de música os camiños xacobeos de Ourense». A presentación da iniciativa tivo lugar onte e na mesma participaron o vicepresidente da Deputación de Ourense, Rosendo Fernández; o presidente da Coral Aqua Música, Antonio Fernández; a directora do proxecto, María del Carmen González; e o director da Banda do Camiño, Xavier Vaz. Xunqueira de Ambía, a catedral de Ourense, Celanova ou Bande son espazos patrimoniais onde se poderá disfrutar da música coral. Pecharase o 22 de decembro na catedral de Ourense.