«O museo converteuse en algo clave para Vilar de Santos»

A exposición que recolle o pasado etnográfico da Limia cumpre dúas décadas con máis de 23.000 visitantes


O Museo etnográfico da Limia cumpriu este mes vinte anos dende a súa apertura tralo proxecto de remodelación realizado na antiga casa reitoral de Vilar de Santos. Durante esta traxectoria este pequeno concello limiá acolleu a máis de 23.500 persoas que se achegaron dende toda Galicia para visitar unha exposición que engloba o pasado dunha comarca agrícola, vencellada a historia da desecada Lagoa de Antela e o entorno rural tradicional do agro galego. O alcalde de Vilar de Santos, Xan Jardón Pedras, recoñece que a mostra foi unha das claves da dinamización cultural da vila neste tempo e aposta pola súa continuidade e potenciación cara o futuro nun concello que apenas chega aos mil veciños. Unha senlleira edificación do século XVIII foi remodelada integramente durante os anos 1995 e 1996 por iniciativa, entre outros, do anterior alcalde, o nacionalista Xan Antón Jardón Dacal. O museo abre os sábados e domingos, de 11.00 a 13.30 e de 16.30 a 19.00 horas e a entrada custa 2 euros.

?¿Como valora estes vinte años?

?Dun xeito moi positivo. O museo converteuse en algo clave para Vilar de Santos. É un elemento dinamizador  fundamental no eido cultural e un factor esencial para a recuperación da memoria histórica da comarca.

?¿Cantos visitantes acolle cada ano a mostra?

?Estamos a punto de pechar os datos do primeiro trimestre deste ano e comprobamos que o número de visitantes increméntase de novo. Durante este tempo que leva aberto o museo foron preto de 23.500 as persoas que visitaron estas dependencias. Iso é importante nun concello pequeno como o noso.

?¿Como foi a xénese deste proxecto?

?Houbo unha primeira mostra etnográfica sobre A Limia en Vilar de Santos no ano 1991 na vella escola, promovida pola asociación cultural O Bión, de Xinzo. O proxecto e a execución na antiga casa reitoral de Vilar de Santos, a sede actual, foi elaborado  por Henrique Rodríguez Peña no ano 1996.

?¿Cantas pezas ten o museo da Limia?

?Máis de seiscentas. A maioría están expostas pero outras non. O mantemento  e conservación desas pezas é un proceso laborioso.

?¿Quen o rexe?

? Hai unha fundación dende fai moitos anos que é a responsable desa conservación e da dirección do museo.  Hai tempo que firmamos un acordo coa Deputación provincial para o funcionamento da mostra que está aberta ao público sábados e domingos para todo o que queira vir e tamén acolle a visita para grupos organizados todos os días. 

?¿Como conmemoran este aniversario da mostra?

?Non haberá unha celebración nunha data concreta. Dende hai semanas estamos promovendo iniciativas como a presentación do último número da revista cultural Lethes. E xa tivemos tamén outros actos, como a conmemoración  do día 18 de maio coincidindo coa celebración do xornada internacional dos museos.

Conoce nuestra newsletter con toda la actualidad de Ourense

Hemos creado para ti una selección de noticias de la ciudad y su área metropolitana para que las recibas en tu correo electrónico. Descubre nuestro nuevo servicio.

Votación
1 votos

«O museo converteuse en algo clave para Vilar de Santos»